Philip Hammond ar daith o gwmpas Ewrop

 

Philip Hammond, Canghellor y Trysorlys

Llun: Chris McAndrew CC3.0 trwy Commons Wikimedia

Fe fydd Canghellor y Trysorlys, Philip Hammond, yn dechrau ar ei daith o gwmpas Ewrop heddiw, gyda’r neges y bydd y Deyrnas Unedig yn dal i “drysori” ei pherthynas gyda’r Undeb Ewropeaidd ar ôl Brexit.

Ymhlith yr aelodau o’r Undeb a fydd yn cael ymweliad ganddo y mae Sweden, Portiwgal, Sbaen a’r Iseldiroedd, wrth iddo gwrdd â gwleidyddion ac arweinwyr busnes yn y gweledydd hynny.

Mi fydd hefyd yn ymweld â Norwy, sydd ddim yn aelod o’r Undeb Ewropeaidd, ond sy’n rhan o’r Ardal Economaidd Ewropeaidd a’r farchnad rydd.

Dyma system nad yw Prif Weinidiog Prydain, Theresa May, am ddilyn yn sgil Brexit, gan na fyddai’n rhoi rheolaeth llawn i San Steffan ar gyfreithiau’n ymwneud â mewnfudo, ac fe fyddai’n golygu bod dal angen gwneud taliadau i Ewrop.

Mae’r daith hon gan Philip Hammond yn rhan o baratoadau’r llywodraeth ar gyfer y rhan nesaf o drafodaethau Brexit, a fydd yn canolbwyntio ar y cyfnod o ddwy flynedd cyn y digwyddiad ei hun.

Mae disgwyl y bydd yr Ysgrifennydd Tramor, Boris Johnson, yn amlinellu ei farn ar Brexit yfory (dydd Mercher, Chwefror 13), ac fe fydd Theresa May yn teithio i Munich yn yr Almaen ddiwedd yr wythnos.

“Perthynas newydd, ddofn ac arbennig”

“Dw i am fynd â neges i Ewrop yn dweud ein bod ni, er gwaethaf gadael yr Undeb Ewropeaidd, yn dal i drysori ein perthynas gyda’r gwledydd, y dinasyddion a’r busnesau hynny yr ydym ni’n agos iddyn nhw o ran hanes ac egwyddorion,” meddai Philip Hammond.

“Rydyn ni’n edrych ymlaen at gytuno ar berthynas newydd, ddofn ac arbennig gyda’r Undeb Ewropeaidd a fydd yn tyfu’n gryf yn ystod y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?