Oxfam: cyfarfod brys gyda’r Llywodraeth

Diweddarwyd am  
Siop Oxfam

Oxfam

Llun: Nick Ansell/PA Wire

Mae Oxfam yn wynebu trafodaethau brys gyda’r Llywodraeth heddiw yn dilyn honiadau o gamymddwyn rhywiol gan weithwyr dyngarol yn Haiti.

Fe fydd yr Ysgrifennydd Datblygiad Rhyngwladol Penny Mordaunt, yn cwrdd â’r elusen ddydd Llun, ar ôl rhybuddio bod y “sgandal” wedi rhoi’r berthynas gyda’r Llywodraeth mewn perygl.

Mae Oxfam yn wynebu beirniadaeth gynyddol ynglŷn â’r modd roedd wedi delio gyda’r honiadau ond mae’n gwadu ei fod wedi ceisio celu bod gweithwyr wedi defnyddio puteiniaid yn Haiti yn 2011.

Dywedodd Penny Mordaunt ddydd Sul bod yr elusen wedi dweud celwydd ac wedi methu datgelu manylion llawn ynglŷn â’i hymchwiliad i’r camymddwyn i’r awdurdodau perthnasol.

Mae elusennau, gan gynnwys Oxfam, wedi cael gwybod y byddan nhw’n colli eu harian gan y Llywodraeth os ydyn nhw’n methu cydymffurfio gyda materion diogelwch.

Mae’r Comisiwn Elusennau wedi ysgrifennu at Oxfam i ofyn am ragor o wybodaeth.

Cafodd pedwar aelod o Oxfam eu diswyddo ac roedd tri wedi ymddiswyddo cyn i’r ymchwiliad ddod i ben yn 2011.

Cyn y cyfarfod heddiw, mae Oxfam wedi cyhoeddi pecyn o fesurau i wella diogelwch, gan gynnwys gwella’r ffyrdd o wirio manylion gweithwyr sy’n cael eu recriwtio.

Dywed Oxfam eu bod wedi’u “brawychu” gan yr honiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed