Honiadau rhyw Haiti: ymateb Oxfam yn “syfrdanol”

Diweddarwyd am  
crys-T Oxfam

Oxfam yn Haiti

Llun: Flickr Oxfam

Mae Ysgrifennydd Datblygiad Rhyngwladol San Steffan, Penny Mordaunt wedi beirniadu elusen Oxfam ar ôl iddi ddod i’r amlwg eu bod nhw wedi rhoi’r hawl i weithwyr ymddiswyddo tros honiadau rhyw yn Haiti.

Dywedodd, wrth ymateb i gwestiwn ar raglen Andrew Marr y BBC, fod dulliau moesol staff o reoli’r elusen wedi methu.

“Dw i’n credu ei bod yn syfrdanol a does dim ots pa mor dda oedd yr arferion gwarchod sydd yn eu lle mewn sefydliad. Os nad oes gan y sefydliad hwnnw yr arweiniad moesol i wneud y peth cywir, ac yn enwedig lle mae tystiolaeth o weithgarwch troseddol i [beidio â] throsglwyddo’r wybodaeth honno i’r awdurdodau priodol gan gynnwys awdurdodau sy’n erlyn, mae hynny’n ddiffyg arweiniad llwyr.”

Mae hi wedi rhybuddio y gallai Oxfam golli arian pe bai’n gwrthod cydymffurfio â materion gwarchod.

Cefndir

Mae penaethiaid Oxfam yn gwadu iddyn nhw gelu honiadau o ymddygiad rhywiol amhriodol yn Haiti, sy’n cynnwys defnyddio puteiniaid yn y wlad yn 2011.

Maen nhw’n dadlau eu bod nhw wedi cynnal ymchwiliad pan ddaeth yr honiadau i’r amlwg am y tro cyntaf.

Dywedodd Penny Mordaunt ei bod hi wedi gofyn am eglurhad llawn o’r sefyllfa, ac y byddan nhw’n colli arian os nad ydyn nhw’n gwneud hynny.

Mae’r Comisiwn Elusennau hefyd wedi gofyn am eglurhad “ar fyrder”.

Cafodd pedwar o staff eu diswyddo, ond ymddiswyddodd tri arall, gan gynnwys cyfarwyddwr Haiti yr elusen, cyn bod yr ymchwiliad yn cael ei gynnal.

Mae’r elusen wedi gwadu bod plant ymhlith y puteiniaid.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd