Bos y BBC gerbron Aelodau Seneddol i drafod tâl staff

 

Tony Hall

Llun: BBC

Fe fydd Cyfarwyddwr Cyffredinol y BBC yn ymddangos gerbron Aelodau Seneddol heddiw i drafod y ffraeo am y gwahaniaeth rhwng cyflogau dynion a menywod o fewn y gorfforaeth.

Bydd Tony Hall yn ymddangos gerbron y Pwyllgor Digidol, Diwylliant, Cyfryngau a Chwaraeon ddydd Mercher (Ionawr 31).

Mae’r Prif Gyfarwyddwr wedi ymddiheuro i weithwyr sydd heb dderbyn tâl cywir, ond mae’n mynnu nad yw’r gorfforaeth wedi torri’r gyfraith.

Daw ei sylwadau yn dilyn cyhoeddiad adolygiad ddydd Mawrth (Ionawr 30), daeth i’r casgliad “nad oes tystiolaeth o fias rhyw mewn penderfyniadau tros gyflog”.

Tâl “da iawn”

Yn adroddiad blynyddol y BBC y llynedd, cafodd cyflogau gweithwyr drutaf y gorfforaeth eu cyhoeddi, a datgelwyd bod hollt clir rhwng cyflogau dynion a menywod.

Yn ôl yr adroddiad hwn, mae Tony Hall yn derbyn cyflog rhwng £450,000 a £499,999 y flwyddyn.

“Dw i wedi cael yr un cyflog ers cyrraedd yma,” meddai wrth Channel 4 News gan gydnabod ei fod heb dderbyn gostyngiad cyflog. “Dw i ddim eisiau mwy. Dw i ddim eisiau llai.

“Dw i’n credu fy mod i’n cael fy nhalu’n iawn am yr hyn dw i’n ei wneud.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed