Toby Young yn camu o’r neilltu, wedi deiseb o 219,000

 

Toby Young

Llun oddi ar ei gyfrif Twitter

Mae Toby Young wedi cyhoeddi ei fod yn camu o’r neilltu o fwrdd rheolwr prifysgolion Lloegr gan ddweud bod ei benodiad wedi “tynnu gormod o sylw”.

Ymddiheurodd y cyn-newyddiadurwr yn “ddiffuant”, meddai, am gyfres o sylwadau dadleuol ar rwydweithiau cymdeithasol.

Roedd ei benodiad wedi denu llid Aelodau Seneddol yn San Steffan, gan gynnwys nifer o Geidwadwyr amlwg.

“Mae pawb sy’n fy nabod yn dda yn gwybod nad oes tebygrwydd â’r darlun ohonof sydd wedi ei greu dros y dyddiau diwethaf,” meddai Toby Young yn The Spectator.

“Rydw i’n chwyrn o blaid helpu’r difreintiedig fel y mae fy ngwaith wrth sefydlu a chefnogi ysgolion newydd yn ei ddangos.

“Ond fe ddywedais i rai pethau tra’r oeddwn i’n newyddiadurwr pryfoclyd a oedd yn anghywir neu’n annoeth – ac rwy’n ymddiheuro’n daer am hynny.”

Roedd deiseb yn galw am ddiswyddo Toby Young o Swyddfa’r Myfyrwyr wedi denu dros 219,000 o lofnodion arlein.

Gorfodwyd Theresa May i amddiffyn ei benodiad mewn cyfweliad teledu ddydd Sul. Dywedodd nad oedd yn ymwybodol o’i sylwadau amrwd a rhywiaethol ar y pryd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?