Iran: Galw ar Boris Johnson i gywiro sylwadau

Diweddarwyd am  

Boris Johnson

Llun parth cyhoeddus gan swyddfa Ysgrifennydd Gwladol America trwy Commons Wikimedia

Mae gŵr dynes Brydeinig, sydd wedi ei charcharu yn Iran, wedi erfyn ar yr Ysgrifennydd Tramor i gywiro sylwadau ynglŷn â’i wraig.

Cafodd Nazanin Zaghari-Ratcliffe ei harestio a’i charcharu wrth ymweld ag Iran, yn sgil honiadau ei bod yn cymryd rhan mewn cynllwyn yn erbyn Tehran.

Bellach mae’n wynebu pum mlynedd ychwanegol dan glo wedi i’r Ysgrifennydd Tramor Boris Johnson, ddweud wrth bwyllgor seneddol ei bod wedi ymweld â’r wlad i “ddysgu newyddiaduraeth”.

Mae cyflogwr a theulu’r ddynes yn mynnu ei bod wedi bod ar wyliau yn y wlad fel bod ei merch yn medru cwrdd â’i nain a’i thaid – nid er mwyn dysgu.

Mae awdurdodau yn Iran wedi ymateb i sylwadau Boris Johnson trwy ddweud ei fod yn dangos nad oedd Nazanin Zaghari-Ratcliffe yn ymweld â’r wlad am wyliau.

Camgymeriad difrifol?

Mae’r Ysgrifennydd Masnach Ryngwladol, Liam Fox, wedi amddiffyn Boris Johnson gan fynnu nad oedd y sylwadau yn “gamgymeriad difrifol”.

“Ymgais i danseilio’r Ysgrifennydd Tramor yw hyn,” meddai ar Sky News, “Ymgais sydd ddim yn ystyried y goblygiadau a’r esgusodion sydd yn cael eu cynnig dros gyfundrefn Iran.”

Mae Boris Johnson wedi cyfaddef y gallai fod wedi bod yn “fwy eglur” ond nad oedd ei sylwadau yn gyfiawnhad dros ehangu dedfryd Nazanin Zaghari-Ratcliffe.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd