Theresa May yn galw am “ddiwylliant newydd o barch”

Diweddarwyd am  

Theresa May

Llun: Swyddfa Arlywydd Estonia trwy Commons Wikimedia

Mae Prif Weinidog y Deyrnas Unedig wedi galw am greu “diwylliant newydd o barch” yn y gweithle, yn sgil y sgandal aflonyddu rhywiol ddiweddar yn San Steffan.

Bellach mae sawl aelod seneddol o sawl plaid yn wynebu honiadau am eu hymddygiad, ac mae aelodau blaenllaw o’r blaid Geidwadol eisoes wedi ymddiswyddo.

Wrth annerch cynhadledd Cydffederasiwn Diwydiant Prydain (CBI), mynnodd Theresa May bod ei phlaid yn mynd i’r afael â’r broblem a galwodd am gydweithio trawsbleidiol ar y mater.

“Mae’n rhaid i ni sefydlu diwylliant newydd o barch sydd wrth graidd ein bywyd cyhoeddus,” meddai Theresa May.

“Lle mae pawb yn medru teimlo’n hyderus eu bod yn gweithio mewn amgylchedd diogel, lle mae cwynion yn cael eu cyflwyno heb ragfarn yn eu herbyn a lle mae dioddefwyr yn gwybod bydd ymchwiliad i’w cwyn.”

Sustem gwynion

Mae’n debyg ei bod yn gobeithio sefydlu system gwynion annibynnol i bobol sydd yn gweithio yn San Steffan – ar hyn o bryd mae’n rhaid i unigolion gyflwyno cwynion i’w pleidiau.

Hefyd, mae Theresa May wedi datgelu bod yna “sawl achos” o aflonyddu rhywiol sydd heb “ymddangos yn y wasg” ond bod y Ceidwadwyr yn ymchwilio i’r achosion yma.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd