Brexit heb gytundeb yn “bosibilrwydd pell”

 


David Davis
Mae Ysgrifennydd Brexit llywodraeth Prydain wedi cyfaddef fod peidio â dod i gytundeb â’r Undeb Ewropeaidd wrth adael yn “bosibilrwydd pell”.

Mynnodd David Davis fod Brexit heb gytundeb yn annhebygol ar ôl i gefnogwyr y bleidlais Gadael arwyddo llythyr yn galw ar Theresa May i ddweud wrth Ewrop y bydd hi’n cerdded i ffwrdd os ydyn nhw’n parhau i wrthod trafod masnachu.

Mae’r cyn gweinidog cabinet, Owen Paterson, wedi dweud na ddylai’r Deyrnas Unedig ofni gadael heb fargen gan ddod dan dollau Sefydliad Masnach y Byd.

“Anhebygol ond yn bosibilrwydd”

Mae David Davis wedi pellhau ei hun o’r syniad ond fe ddywedodd fod y Llywodraeth yn paratoi ar gyfer sefyllfa heb gytundeb fel “yswiriant.”

“Y peth cyntaf i ddweud yw a) nid yw hynny’n fwriad gennym, b) dw i ddim yn meddwl ei fod yn debygol, dw i’n meddwl ei fod yn bosibilrwydd pell,” meddai mewn cyfweliad â phapurau newyddion Ewropeaidd.

“Ar ôl dweud hynny, mae’n rhaid i ni baratoi amdano. Mae llywodraeth gyfrifol yn paratoi at bob canlyniad ac rydyn ni’n gwneud hynny.”

Ond ychwanegodd nad yw paratoi am Brexit heb gytundeb yn rhan o’i “strategaeth negodi”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd