BAE Systems am gael gwared a 2,000 o swyddi

 


Llun: BAE Systems
Mae cwmni BAE Systems yn bwriadu cael gwared a bron i 2,000 o swyddi mewn ymgais i droi’r busnes yn fwy “effeithlon a chystadleuol.”

Bydd y toriadau mwyaf  ym maes milwrol y cwmni, ac mae disgwyl i 1,400 o swyddi ddiflannu yn yr adran yma dros y tair blynedd nesaf.

Bydd cannoedd o swyddi hefyd yn diflannu yng ngwasanaethau morwrol a chudd-wybodaeth y cwmni.

Gweithwyr ar safleoedd y cwmni yn Sir Gaerhirfryn, lle mae awyrennau Eurofighter Typhoon yn cael eu cynhyrchu, Swydd Efrog, Norfolk, Portsmouth a Llundain sydd yn debygol o gael eu heffeithio.

“Bydd y newidiadau strwythurol yr ydym yn cyhoeddi heddiw yn cyflymu ein hesblygiad fel ein bod yn fwy effeithlon a chystadleuol, gyda ffocws newydd ar dechnoleg,” meddai Prif Weithredwr BAE Systems, Charles Woodburn.

“Newyddion ofnadwy”

“Dyma newyddion ofnadwy i weithwyr BAE ac i gymunedau ar draws y Deyrnas Unedig,” meddai Aelod Seneddol Llanelli a’r Ysgrifennydd Amddiffyn Cysgodol, Nia Griffith.

“Mae’n hen i bryd i Lywodraeth y Deyrnas Unedig fynd i’r afael â’r ansicrwydd sydd yn effeithio’r diwydiant, ac i gynnig cynllun brys i achub y swyddi yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd