RSS

Golwg360

MwyCau 

Bruce Forsyth wedi marw yn 89 oed

Awst 18, 2017 17:05 Diweddarwyd am 23:54


Mae Syr Bruce Forsyth wedi marw yn 89 oed.

Mae’r diddanwr enwog wedi ei ddisgrifio fel “trysor cenedlaethol” gan Michael Grade, cyn-Gadeirydd y BBC.

Ac mae Cyfarwyddwr Cyffredinol presennol y BBC, Tony Hall, wedi dweud bod Bruce Forsyth “ymysg y diddanwyr gorau a welwyd yng ngwledydd Prydain”.

Fe gychwynnodd Bruce Forsyth ar yrfa ym myd adloniant yn llanc 14 oed, ac fe ymddangosodd ar deledu am y tro cyntaf yn 1939.

Yn fwyaf diweddar roedd i’w weld ar raglen Strictly Come Dancing.

Fe gafodd lawdriniaeth yn 2015 wedi iddo syrthio yn ei gartref yn Swydd Surrey.

A’r llynedd roedd yn rhy fregus i fynychu angladdau ei gyfeillion Terry Wogan a Ronnie Corbett.

Bu ei stamina yn syndod i nifer ac mor ddiweddar â 2013 roedd ar lwyfan Glastonbury yn dawnsio a chanu clasuron.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.