Nigel Evans yn galw am drafodaethau masnach yn ystod cyfnod Brexit

Diweddarwyd am  


Nigel Evans, Aelod Seneddol, Ribble Valley (Llun: PA)
Mae Cymru sy’n Aelod Seneddol Ceidwadol yn Lloegr wedi rhybuddio fod angen parhau i gynnal trafodaethau masnach yn ystod unrhyw drefniadau dros dro gyda’r Undeb Ewropeaidd.

Yn ol Nigel Evans AS, “mae’r gallu i drafod ein cytundebau masnach yn ystod y cytundeb trawsnewidiol yn hynod bwysig”.  

Mae disgwyl i allu’r Deyrnas Unedig i wneud cytundebau masnach newydd yn ystod y cyfnod trawsnewid fod yn bwnc llosg.

Ar hyn o bryd, nid oes hawl gan aelodau o’r undeb masnach gynnal trafodaethau ar gytundebau masnach y tu allan i’r bloc.

Ychwanegodd bod angen clustnodi dyddiad penodol pan fydd Prydain yn gadael y cyfnod trawsnewid.

‘Cyfnod trawsnewid’

Daw sylwadau Nigel Evans wrth i David Davis, Ysgrifennydd Brexit Llywodraeth Prydain, gyhoeddi cynigion yn cynnwys cynllun am gyfnod trawsnewid ar gyfer busnesau’r Deyrnas Unedig a gweddill yr Undeb Ewropeaidd ar ôl Brexit.

Yn rhan o hyn, mae wedi gwrthod cadarnhau a fydd yn rhaid i Brydain wneud taliadau i’r Undeb Ewropeaidd am drefniadau masnach dros dro gyda’r undeb ar ôl gadael.

Er hyn, awgrymodd y gallai’r trefniadau ganiatáu i Brydain gynnal trafodaethau masnach â gwledydd eraill yn ystod y cyfnod hwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd