Disgwyl i arbenigwr o America ymweld â Charlie Gard

Diweddarwyd am  


Charlie Gard (Llun: Drwy law y teulu/PA)
Mae disgwyl i arbenigwr o America, sydd wedi cynnig rhoi triniaeth i Charlie Gard, ymweld â’r babi am y tro cyntaf dros y deuddydd nesaf.

Mae’r plentyn 11 mis oed – sydd ar beiriant cynnal bywyd yn Ysbyty Great Ormond Street oherwydd cyflwr prin sydd wedi  effeithio ar ei ymennydd – wedi bod ynghanol brwydr gyfreithiol sydd wedi cael sylw ar draws y byd dros yr wythnosau diwethaf.

Fe fydd Michio Hirano, sy’n athro niwroleg yng Nghanolfan Feddygol Prifysgol Columbia yn Efrog Newydd, yn ymweld â Charlie Gard yn Ysbyty Great Ormond Street yn Llundain.

Mae disgwyl iddo hefyd drafod yr achos gyda meddygon sy’n ei drin ynghyd ag arbenigwyr meddygol eraill.

Mae’r ymweliad wedi cael ei drefnu fel rhan o’r rownd diweddara yn y frwydr gyfreithiol er mwyn caniatáu i’r plentyn 11 mis oed gael triniaeth arbrofol yn America.

Mae meddygon yn Ysbyty Great Ormond Street yn dadlau na fyddai’r driniaeth yn gymorth iddo a bod angen i’r peiriant cynnal bywyd gael ei ddiffodd.

Ond mae ei rieni, Chris Gard a Connie Yates, yn awyddus iddo gael triniaeth yn yr Unol Daleithiau ar gyfer ei gyflwr genetig prin.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd