RSS

Golwg360

MwyCau 

Disgwyl gwyntoedd 70mya wrth i Storm Doris daro

Chwefror 23, 2017 08:20


Mae disgwyl y bydd gwyntoedd cryfion, glaw ac eira yn rhai mannau heddiw wrth i Storm Doris daro gwledydd Prydain.

Mae rhybuddion y gallai tywydd gwael achosi problemau trafnidiaeth a difrod i adeiladau, ac mae modurwyr wedi eu hannog i fod yn wyliadwrus os yn mentro ar y ffyrdd.

Bydd y gwyntoedd ar eu cryfaf yng Nghymru a Lloegr lle bydd gwyntoedd 70 milltir yr awr ger yr arfordir ac ar fryniau yn ôl y Swyddfa Dywydd.

Mae rhybudd melyn mewn grym dros lawer o’r Alban, ac mae’n bosib y bydd rhwng 15cm a 30cm o eira yn disgyn yno.

Dyma fydd y storm aeafol cyntaf ers Storm Conor wnaeth daro dwy fis yn ôl gan effeithio cyflenwad pŵer nifer o dai yng ngogledd y Deyrnas Unedig.

“Wrth i Storm Doris symud tuag at y Dwyrain dros ardaloedd yng nghanol y Deyrnas Unedig, mae disgwyl bydd eira trwm yn disgyn yng ngogledd Prydain. Mae peth aneglurder o ran llwybr Doris ond mae’n debygol iawn fydd eira mewn mannau,” meddai’r Swyddfa Dywydd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.