Annibyniaeth yr Alban: Brexit “wedi drysu” actor

 


Mae’r actor Albanaidd blaenllaw Ewan McGregor wedi cyfaddef fod mater annibyniaeth ei wlad yn destun dryswch yn sgil refferendwm Ewrop.

Roedd McGregor wedi gwrthwynebu annibyniaeth adeg refferendwm yr Alban yn 2014, ond mae bellach yn dweud ei fod o blaid annibyniaeth ar ôl i Brydain ddewis gadael yr Undeb Ewropeaidd.

Dywedodd wrth raglen Andrew Marr y BBC ei fod e wedi ceisio cadw draw o fater annibyniaeth yn 2014 gan nad oedd yn gallu pleidleisio beth bynnag, ac nad yw wedi byw yn yr Alban er pan oedd e’n 17 oed.

“Y gwir amdani oedd nad oeddwn i am i’r Alban fod yn annibynnol yn 2014. Do’n i ddim yn deall sut fyddai’n gweithio.

“Ro’n i’n gofidio y byddai’r Alban yn dioddef ar ei phen ei hun ac ro’n i’n credu yn yr undeb ac ro’n i’n teimlo y bydden ni’n gryfach gyda’n gilydd.

“Yna fe ddigwyddodd Brexit. Nawr dw i wedi drysu’n llwyr.”

Dywedodd McGregor ei fod yn ffilmio ‘Trainspotting 2’ yn yr Alban ar y noson y cafodd canlyniad refferendwm yr Alban ei gyhoeddi.

Roedd wedi bod yn dweud y byddai Prydain yn dewis aros yn yr Undeb Ewropeaidd, ac fe gafodd ei synnu o glywed arweinydd UKIP, Nigel Farage yn datgan buddugoliaeth i’r rheiny oedd o blaid gadael.

“Ro’n i’n meddwl ‘Mae e wedi gwneud camgymeriad ofnadwy, bydd e’n destun embaras oherwydd mae e wedi datgan buddugoliaeth yn rhy gynnar’.

“Ro’n i’n meddwl ei fod e wedi gwneud camgymeriad ond nid felly y bu.

“Y diwrnod canlynol, byddwn i wirioneddol wedi pleidleisio i’r Alban adael. Mi fyddwn i.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer