Disgwyl ad-drefnu budd-daliadau anabledd

 


Ysgrifennydd Gwaith a Phensiynau San Steffan, Damian Green
Fe fydd cynlluniau i ad-drefnu budd-daliadau anabledd yn cael eu cyhoeddi gan Ysgrifennydd Gwaith a Phensiynau San Steffan, Damian Green ddydd Llun.

Y gobaith yw sicrhau bod mwy o bobol yn gallu dychwelyd i’r gwaith ar ôl newid natur y profion Gallu i Weithio (WCA).

Dywed Llywodraeth Prydain eu bod nhw am sicrhau mwy o gefnogaeth i bobol a chanddyn nhw anableddau wrth iddyn nhw chwilio am swyddi.

Mae elusennau sy’n cefnogi pobol a chanddyn nhw anableddau wedi croesawu’r newyddion, gan ddweud bod “gwendidau sylfaenol” yn y drefn bresennol.

Ond mae ymgyrchwyr wedi rhybuddio bod rhaid parhau i gefnogi pobol nad ydyn nhw’n gallu gweithio.

Mae pryderon wedi cael eu mynegi ynghylch y Lwfans Gwaith a Chymorth (ESA), a bod y bobol sy’n derbyn y lwfans yn cael ychydig iawn o gefnogaeth gan y Ganolfan Waith.

Daw’r cyhoeddiad ar ôl i Damian Green ddweud na fydd rhaid i bobol sydd â salwch neu gyflwr difrifol gael ail-asesiad cyn derbyn budd-daliadau.

Dywedodd Green: “Ry’n ni’n gwybod fod y math cywir o waith yn dda ar gyfer ein hiechyd corfforol a meddyliol, ond mae angen system iechyd a lles fwy pragmataidd sy’n adlewyrchu hyn – un sy’n cynnig gwaith i’r rhai sy’n medru gweithio, cymorth i’r rhai a allai weithio a gofal i’r rhai sy’n methu gweithio.

“Ni ddylai anabledd neu gyflwr iechyd reoli’r llwybr y gall person ei gymryd mewn bywyd. Does neb am gael system lle mae pobol yn cael eu diystyru a’u gorfodi i dreulio cyfnodau hir o amser ar fudd-daliadau pan fydden nhw, gyda’r gefnogaeth gywir mewn gwirionedd, yn gallu dychwelyd i’r gwaith.”

Diddymu profion

Yn ôl llefarydd Gwaith a Phensiynau’r Blaid Lafur, Debbie Abrahams, dylid diddymu’r profion yn gyfangwbl.

Galwodd ar Brif Weinidog Prydain, Theresa May i “gymryd cyfrifoldeb” am wendidau’r drefn bresennol, ac i beidio awgrymu bod y profion wedi bod yn llwyddiannus.

Dywedodd mai “targedu’r bobol fwyaf diniwed” yw nod Llywodraeth Prydain “i dalu am eu cynlluniau llymder”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer