Cynghorau’n ‘tanwario’ ar ofalu am bobol gartre’

Diweddarwyd am  


Dydi’r rhan fwya’ o gynghorau ledled gwledydd Prydain ddim yn gwneud digon i dalu am y costau cynyddol o ofalu am henoed yn eu cartrefi.

Dyna gasgliad adroddiad newydd gan Asiantaeth Gofal Cartref y Deyrnas Unedig sy’n rhybuddio bod “tanwario” yr awdurdodau lleol yn effeithio ar les pobol a’i bod yn “sefyllfa frys”.

Yn ôl yr asiantaeth, mae’r gost o ddarparu gofal yn y cartref i bob awdurdod tua £16.70 yr awr, a hynny er mwyn darparu gofalwyr, cynnal y costau o redeg y busnes ynghyd ag elw a gweddillion.

Ond mae’r adroddiad wedi dangos mai £14.58 yr awr oedd y gost amcangyfrif ar draws holl gynghorau’r Deyrnas Unedig, gyda chost amcangyfrif o £14.99 yng Nghymru.

‘Mynd i’r afael â’r tanwario’

Mae mwy na 873,500 o bobol 65 oed neu’n hŷn yn cael eu cefnogi i fyw’n annibynnol yn eu cartrefi drwy wasanaethau gofal yn y cartre’ gan yr awdurdodau lleol.

Ond, mae’r adroddiad yn tynnu sylw at rai cynghorau lleol oedd â chostau mor isel nad oedden nhw’n llwyddo i gwrdd â’r costau o gyflogi gofalwyr, sydd ar gyfartaledd yn £11.94 yr awr.

Er hyn roedd Swydd Rydychen, Bath a Gogledd Ddwyrain Gwlad yr Haf ymysg y cynghorau oedd yn gwario fwya’, sef mwy na £19 yr awr.

Yn ôl yr adroddiad, mae galw cynyddol am wasanaeth gofal yn y cartrefi, ond mae angen mynd i’r afael â’r tanwario oherwydd “yn y pendraw, mae’r farchnad ofal yn mynd i fynd yn anghynaladwy yn economaidd, ac ni fydd hyn yn galluogi pobol hŷn ac anabl i fyw yn annibynnol yn eu cartrefi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd