Murlun newydd ‘Banksy’ yn tynnu sylw at ysbïo

 


Y murlun y credir sydd wedi cael ei wneud gan Banksy
Mae’n ymddangos fod yr artist cudd Banksy wedi datgelu murlun newydd dros y penwythnos sydd yn tynnu sylw at ysbïo gan y Llywodraeth.

Mae’r llun yn dangos tri asiant mewn gwisg ystrydebol o’r 1950au, cotiau brown hir a hetiau trilbi, wrthi’n gwrando ar sgyrsiau blwch ffôn.

Fe ymddangosodd y murlun dros nos ychydig filltiroedd i ffwrdd o ganolfan glustfeinio GCHQ,  yn Cheltenham, Swydd Gaerloyw.

Dywedodd pobl leol iddyn nhw weld offer yn cael ei gludo o’r safle ble ymddangosodd y murlun  tua 7.30yb fore Sul.

Does dim cadarnhad swyddogol wedi dod gan wefan Banksy eto mai ef sydd yn gyfrifol am y graffiti, ond yn ôl dilynwyr o’i waith mae’r murlun yn nodweddiadol o waith yr artist stryd.

“Mae’n ddatganiad cryf yn erbyn y materion preifatrwydd diweddar rydyn ni wedi dod ar eu traws yn y flwyddyn ddiwethaf gyda’r NSA a’r fath,” meddai gwefan streetartnews.

“Ni wnaeth Banksy ddewis Cheltenham ar hap gan mai yno mae cartref GCHQ.

“Er nad yw wedi’i gadarnhau’n swyddogol gan ei wefan, mae gan y darn yma nodweddion Banksy o ran naratif, steil a chyflawniad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed