RSS

Golwg360

MwyCau 

Lansio cylchgrawn llenyddol newydd

Mawrth 10, 2017 15:47 Diweddarwyd Mawrth 14, 2017 18:36


Golygyddion Y STAMP
Bydd cylchgrawn llenyddol newydd sbon yn cael ei lansio ddiwedd y mis gan bedwar llenor ifanc sy’n “gweld yr angen am lwyfan newydd i annog eraill i gyhoeddi eu gwaith”.

Mae rhai o erthyglau cylchgrawn Y STAMP eisoes wedi cael eu cyhoeddi ar-lein ond mae’r golygyddion wedi penderfynu mynd ati i sefydlu cylchgrawn papur, gyda’r bwriad o lansio pob rhifyn mewn lleoliad gwahanol yng Nghymru.

Elan Grug Muse o Brifysgol Abertawe, Llŷr Titus o Brifysgol Bangor a Miriam Elin Jones ac Iestyn Tyne o Brifysgol Aberystwyth sy’n cyhoeddi’r cylchgrawn.

“Ysgogi amrywiaeth llenyddol”

“Rhan o genhadaeth y cylchgrawn yw cynnig llwyfan llenyddol newydd ac ysgogi amrywiaeth llenyddol drwy gyfrwng y Gymraeg,” meddai criw Y STAMP.

“Gobeithir annog ‘sgrifennwyr ac arlunwyr i fwrw ati o’r newydd, ynghyd â chynnig platfform cyhoeddi i awduron sydd eisoes yn adnabyddus.”

Bydd lansiad y rhifyn cyntaf yn Aberystwyth, lle fydd darlleniadau gan gyfranwyr y rhifyn a’r ‘bardd gwadd’, Eurig Salisbury. Mae disgwyl hefyd i’r gantores, Bethany Celyn, berfformio.

Rhai o gyfranwyr y rhifyn cyntaf bydd Menna Elfyn, Morgan Owen, Gareth Evans Jones, Caryl Bryn, Rhys Trimble, Siân Miriam, Gwen Saunders Jones, Caryl Angharad Roberts.

Bydd nifer cyfyngedig ar werth am £3 y copi a modd hefyd ddarllen y deunydd o’u gwefan.

Bydd lansiad rhifyn cyntaf Y STAMP ar 23 Mawrth yn Nhafarn y Cŵps, Aberystwyth am 7:30 yr hwyr.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.