“Tynnwch yr enw ‘Bala’ o Garchar Wrecsam,” meddai deiseb

Diweddarwyd  


Carchar y Berwyn (Llun: Hannah Galley)
Mae deiseb wedi’i sefydlu yn galw ar lywodraethwr carchar newydd Wrecsam i gael gwared ag enw ‘Bala’ oddi ar un adain yno.

Llinos Jones-Williams sy’n gyfrifol am gasglu’r enwau, ac er mai nos Fawrth y cafodd y ddeiseb ei rhoi ar y we, mae rhai wedi gadael sylwadau cryfion yn gwrthwynebu enwi adran o’r carchar yn ‘Bala’. ‘Alwen’ a ‘Ceiriog’ ydi enwau’r ddwy gymuned arall.

Yn ôl Dewi Davies o Fron-goch: “Nid yw bala mond enw cyffredin, (common noun). Y Bala yw’r enw priod, (proper noun). Mae rhoi’r enw bala neu Bala ar yr adain yn chwerthinllyd gan awgrymu mai man i ddianc yw hwn, (gw. ystyr mewn geiriadur)!”

Meddai Mari Williams o Lanuwchllyn: “Dim ymgynghoriad a dim hyd yn oed y cwrteisi i adael i bobol yr ardal wybod. Efallai nad oes hawlfraint cyfreithiol ond siawns bod gan drigolion yr dref ar ardal rhywfaint o hawl ar enw eu tref eu hunain.”

Ac yn ôl Branwen Williams o’r Bala, “Mae’n torri calon gweld enw ein tref ar adain o’r carchar newydd.”

Mae’r ddeiseb i’w gweld yn fan hyn.

HMP Berwyn

Cafodd yr enw ‘Bala’ ar adain gynta’r carchar ei gyhoeddi bythefnos yn ôl, ac fe agorodd y carchar ar Chwefror 28.

Mae’r enwau eraill a gafodd eu cynnig ar gyfer yr adain gan ysgolion, cymunedau a chymdeithasau hanesyddol yn cynnwys Bridgeway, Marcher, Cerrig Tan, Dee Vale a Whittlesham.

Carchar Categori C i ddynion yw’r Berwyn, ac fe gostiodd £250 miliwn i’w godi.

Pan fydd yn cael ei gwblhau, fe fydd yr un maint â charchar mwyaf gwledydd Prydain, HMP Oakwood yng nghanolbarth Lloegr, gyda lle i 2,106 o garcharorion.

Mae disgwyl i 1,000 o swyddi newydd gael eu creu o ganlyniad i adeiladu’r carchar newydd, gyda’r ddwy adain arall yn cael eu codi erbyn yr hydref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd