“Tlodi a chyfoeth ar strydoedd Caerdydd” wedi taro dramodydd

Diweddarwyd  

Mared Roberts

Llun: golwg360

Digartrefedd a bywyd ar strydoedd Caerdydd yw thema drama fuddugol Mared Roberts yn Eisteddfod yr Urdd Caerdydd a’r Fro 2019.

“Fi jest yn cerdded o gwmpas Caerdydd, a chi fili help sylweddoli ar y pebyll o’ch cwmpas,” meddai Mared Roberts.

“Pan chi’n gweld y siopau designer mawr a chi’n gweld y pebyll tu fas ble dyw pobol ffaelu prynu sanau – ma’ fe’n taro chi, a’r cyferbyniad ar ddynoliaeth.”

Mae’r gyn-fyfyrwraig ym Mhrifysgol Caerdydd wedi sylweddoli bod cynnydd yn nifer y bobol ddigartref ar strydoedd y brifddinas ers iddi gyrraedd yno chwe blynedd yn ôl.

“Pan chi’n clywed bod pebyll yn cael eu tynnu, mae e’n warthus ac yn poeni fi.”

Persbectif

“Ro’ ni moyn bod e’n realistig,” meddai Mared Roberts wedyn. “Wnes i ddigwydd bod gweld rhaglen ar fenywod digartref ar y stryd a gweld gyda’r misglwyf pa mor beryglus yw e i fenyw fod mas tu fas.”

Roedd hi’n anodd ar ôl hynny ceisio ysgrifennu’r ddrama a rhoi ychydig o ysgafnder ynddi, felly fe geisiodd hi wneud hynny trwy’r dafodiaith.

“Fi’n credu bod eisiau mwy o amrywiaeth, a mwy o leisiau, fel bod mwy o bersbectif gyda phobol am wahanol bethau.”

Fe fydd Mared Roberts nawr yn treulio cyfnod gyda chwmni Theatr Genedlaethol Cymru ac yn derbyn hyfforddiant pellach gyda BBC Cymru, yn ogystal â threulio amser gydag S4C.

 

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones