Aelod Torïaidd yn amddiffyn yr Arglwydd Hooson wedi drama’r BBC

Diweddarwyd am  

Hugh Grant (ar y dde) yw Jeremy Thorpe yn ‘A Very English Scandal’

:Llun cyhoeddusrwydd gan y BBC

Mae Aelod Seneddol Sir Drefaldwyn, Glyn Davies wedi herio portread y BBC o un o’i ragflaenwyr, yr Arglwydd Emlyn Hooson.

Mae’r ddrama A Very English Scandal yn adrodd hanes sgandal yn ymwneud â chyn-arweinydd y Rhyddfrydwyr, Jeremy Thorpe, a rhan yr Arglwydd Hooson yn yr helynt.

Roedd yr Arglwydd Hooson yn Aelod Seneddol tros Sir Drefaldwyn rhwng 1962 a 1979, ac yn uchel ei barch fel gwleidydd, bargyfreithiwr a barnwr.

Dyna pam, yn ôl Glyn Davies, y mae portread y BBC ohono’n “gwbwl anghywir”.

‘Hoffus, talentog ac uchel ei barch’

“Mae’r portread o’r Arglwydd Hooson yn A Very English Scandal fel gwleidydd cynllwyngar, hunanol a dan-din yn hollol anghywir,” meddai Glyn Davies.

“Yn sicr, dyw e ddim yn cynrychioli’r dyn rwy’n ei gofio ac y des i’n ffrindiau da iawn ag e.

“Heb os, mae gwneuthurwyr y rhaglen wedi defnyddio rhywfaint o ryddid wrth geisio darlunio Jeremy Thorpe mewn goleuni ychydig yn fwy sympathetig o’i gymharu â sut gafodd ei ddarlunio yn y gorffennol.

“Ond mae’n ymdangos yn annheg iawn fod hyn ar draul cynrychiolaeth go iawn o’r diweddar Arglwydd Hooson, a oedd yn Aelod Seneddol a frwydrodd mor galed i amddiffyn buddiannau Sir Drefaldwyn, ac i hybu’r etholaeth.

“Fy mhrofiad i o’r Arglwydd Hooson, a phrofiad pawb o fewn Sir Drefaldwyn oedd yn ei adnabod, rwy’n siŵr, oedd ei fod yn wleidydd hoffus, talentog ac uchel ei barch – y gwrthwyneb yn llwyr i sut y caiff ei bortreadu yn y rhaglen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?