Democratiaid Rhyddfrydol yn galw am Gymru “deg, rydd a rhyddfrydol”

Diweddarwyd  
Arweinydd newydd yn gwenu

Jane Dodds

Llun oddi ar wefan Democratiaid Rhyddfrydol Sir Drefaldwyn

Mae arweinydd y Democratiaid Rhyddfrydol yng Nghymru, Jane Dodds wedi galw am Gymru “deg, rydd a rhyddfrydol” yn ei haraith fawr yng nghynhadledd wanwyn y blaid yng Nghaerdydd.

Dros y misoedd nesaf, mae disgwyl iddi gwrdd ag aelodau’r blaid i drafod meysydd y “chwe drwg mawr” mae Cymru’n eu hwynebu, sef tlodi, iechyd, tai, addysg, datblygiad economaidd ac unigrwydd.

Yn ei haraith, galwodd hi am “Gymru sy’n rhoi’r cyfle i bobol godi ar eu traed a symud ymlaen yn eu bywydau” ac am “Gymru sy’n rhoi rhyddid, cyfle a sicrwydd i ni ffurfio ein tynged ein hunain, i gymryd risg ac i gyrraedd ein potensial”.

Talodd hi deyrnged hefyd i Ysgrifennydd Addysg Cymru, Kirsty Williams, sy’n aelod o Gabinet Llywodraeth Lafur Cymru a’r dylanwad mae hi’n ei gael ar y llywodraeth yn ei rôl.

Roedd ei haraith hefyd yn cyfeirio at gynlluniau morlyn llanw yn Abertawe, Caerdydd, Casnewydd a Bae Colwyn, gan alw ar i Lywodraeth Prydain roi sêl bendith i’r cynllun yn Abertawe.

Brexit

Roedd Brexit hefyd ar yr agenda yn ei haraith, wrth iddi alw am roi un cyfle olaf i bobol leisio barn am adael yr Undeb Ewropeaidd cyn bod cytundeb.

Dywedodd nad oedd “democratiaeth wedi dod i ben ar Fehefin 23” a bod gan “bobol yr hawl i newid eu meddyliau”.

Wrth gloi, dywedodd, “Gadewch i ni roi tegwch a rhyddid yn ôl wrth galon gwleidyddiaeth Cymru.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd