Medal efydd i wasanaethau brys Gwent

 

Palas San Steffan

Llun: Commons Wikimedia CC0

Mae Cwnstabliaid Arbennig Heddlu Gwent a Gwasanaeth Ambiwlans Cymru wedi derbyn medal efydd mewn seremoni yn San Steffan.

Cawson nhw eu rhoi ar y rhestr fer ar gyfer Gwobr Arloesedd a Thrawsnewid Genedlaethol iESE – mae’r wobr yn agored i unrhyw gorff cyhoeddus yn y sectorau gwirfoddol, cymunedol neu breifat yng ngwledydd Prydain.

Mae Cwnstabliaid Arbennig Heddlu Gwent yn cynorthwyo gwaith cymunedol yr heddlu ac maen nhw wedi’u cydnabod am eu gwaith gyda Gwasanaeth Ambiwlans Cymru i fynd i’r afael â sefyllfaoedd lle mae’r heddlu’n bresennol, lle mae gofyn am driniaeth feddygol neu gyngor.

Mae eu gwaith yn galluogi’r heddlu i fynd i ddigwyddiadau mwy difrifol lle mae angen eu harbenigedd.

Cydweithio

Fis Mai 2016, aeth y Gwasanaeth Ambiwlans at Heddlu Gwent gyda’r bwriad o lansio cynllun peilot ar gyfer digwyddiadau lle byddai’r ddau wasanaeth yn cydweithio.

Fis Mawrth y flwyddyn honno, roedden nhw wedi cydweithio ar 2,249 o ddigwyddiadau ac o ganlyniad, cafodd uned ei sefydlu i weithio ar y cyd ym mis Gorffennaf y flwyddyn honno.

Mae’r uned yn gyfuniad o bedwar o barafeddygon a deg o gwnstabliaid arbennig, ac maen nhw’n cydweithio ar ddigwyddiadau mawr gan gynnwys Gwener Du, Nos Calan, Calan Gaeaf, Noson Tân Gwyllt a gemau chwaraeon mawr yng Nghaerdydd.

Dywedodd y Cwnstabl Arbennig, Gareth Chapman fod “parch at ein gilydd” ymhlith y gwasanaethau a bod “cyfeillgarwch mawr” rhyngddyn nhw.

Ychwanegodd Richard Lee o Wasanaeth Ambiwlans Cymru fod y cynllun cydweithredol yn “enghraifft wych o weithio fel tîm ar draws asiantaethau” a bod y wobr yn “dyst i’r llwyddiant sydd wedi’i greu gan bawb”.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed