“Y Cynulliad ddim yn fagwrfa i aflonyddu rhywiol” meddai UKIP

Diweddarwyd am  
Llun pen ac ysgwydd ar gefndir gwyn

Neil Hamilton, arweinydd grwp UKIP yn y Cynulliad

Llun: Cynulliad Cenedlaethol Cymru CC 2.0

Mae arweinydd grŵp UKIP yn y Cynulliad Cenedlaethol yn rhybuddio rhag i drafodaethau newydd roi’r argraff fod y sefydliad yn “fagwrfa” i aflonyddu rhywiol, pan nad yw hynny’n wir o gwbwl.

Fe ddaw sylwadau Neil Hamilton wrth i arweinwyr yr holl bleidiau ym Mae Caerdydd ddod ynghyd heddiw i drafod gweithdrefnau newydd i fynd i’r afael â honiadau posib o aflonyddu rhywiol.

“Tra bod unrhyw sefydliad dynol yn debygol o lochesu achosion o ymddygiad rhywiol amhriodol neu waeth,” meddai Neil Hamilton, “ni ddylen ni adael i’r syniad fod Bae Caerdydd yn fagwrfa i aflonyddu rhywiol fagu coesau, oni bai bod tystiolaeth gadarn o achosion go iawn yn cael ei chyflwyno.”

San Steffan

Yn ei ymateb, mae Neil Hamilton hefyd yn cyfeirio at achosion diweddar o aflonyddu rhywiol yn San Steffan – gan gynnwys ymddiswyddiad yr Ysgrifennydd Amddiffyn, Syr Michael Fallon, oedd wedi cyfaddef iddo gyffwrdd â choes newyddiadurwraig yn ystod cyfweliad.

“Mae’r helynt yn San Steffan yn ymwneud, ar y cyfan, â honiadau hanesyddol,” meddai Neil Hamilton.

“Mae’r rheiny naill ai wedi cael eu gwadu neu eu chwyddo y tu hwnt i synnwyr, fel achos Julia Hartley-Brewer a Michael Fallon, yr oedd hithau wedi’i ddiystyru.”

‘Cymhleth, dryslyd ac annigonol’

Ond fe ddywedodd fod gweithdrefn bresennol y Cynulliad “yn gymhleth, yn ddryslyd a rhai agweddau’n annigonol”.

“Tra ei bod yn synhwyrol, wrth gwrs, i’r Cynulliad adolygu’r trefniadau presennol ar gyfer mynd i’r afael â honiadau o aflonyddu rhywiol gan Aelodau’r Cynulliad, dw i ddim yn ymwybodol o dystiolaeth o achosion go iawn.

“Does neb o blith ACau UKIP wedi bod yn destun cwynion o ymddygiad rhywiol amhriodol ond, yn amlwg, alla i ddim siarad ar ran pleidiau eraill.”

Ychwanegodd ei fod yn “hapus i ystyried gwelliannau i’r drefn bresennol o gwynion”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd