Donald Trump yn dod i wledydd Prydain – ond nid ar ymweliad gwladol

 


Ymweliad Theresa May â'r Unol Daleithiau (Llun: PA)
Fe fydd Arlywydd yr Unol Daleithiau, Donald Trump yn ymweld â gwledydd Prydain y flwyddyn nesaf, ond nid ar ymweliad gwladol.

Mae graddfa’r daith, sydd wedi’i threfnu ar sail gwahoddiad y Prif Weinidog Theresa May, wedi cael ei lleihau oherwydd pryderon am ei ddiogelwch.

Fel rhan o’r trefniadau newydd, fydd e ddim yn aros gyda’r Frenhines, yn ôl papur newydd yr Evening Standard.

Mae’r ymweliad yn debygol o fod yn rhan o daith ryngwladol, yn hytrach na bod yn ymweliad unswydd.

Ar ôl i Theresa May gyhoeddi’r gwahoddiad gwreiddiol yn dilyn ei hymweliad hithau â Washington, roedd pryderon y byddai’n arwain at brotestiadau.

Dywedodd Llefarydd Tŷ’r Cyffredin, John Bercow ar y pryd na ddylai Donald Trump gael annerch San Steffan yn ystod ei ymweliad. Dywedodd llefarydd ar ran Downing Street nad yw’r safbwynt wedi newid.

Ond ychwanegodd llefarydd ar ran Theresa May mai ei bwriad o hyd yw estyn gwahoddiad iddo ar gyfer ymweliad gwladol swyddogol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd