Theresa May yn honni bod y Cabinet yn unedig

 


Y Prif Weinidog Theresa May (llun: Dominic Lipinske/PA Wire)
Ar drothwy cynhadledd flynyddol y Blaid Geidwadol ym Manceinion, mae’r Prif Weinidog Theresa May wedi mynnu bod y cabinet yn unedig y tu ôl iddi.

Mae hyn er gwaethaf dyfalu cynyddol fod yr Ysgrifennydd Tramor Boris Johnson yn ceisio ei thanseilio ar bob cyfle gyda sylwadau’n galw am safbwyntiau caletach ar Brexit gan y blaid.

Mae aelod arall o’r Cabinet, Sajid Javid, hefyd wedi gwrthod cadarnhau a yw’n gobeithio gweld Theresa May yn arwain ei phlaid yn yr etholiad nesaf.

Yn dilyn araith y Prif Weinidog yn Fflorens yr wythnos ddiwethaf, roedd Boris Johnson eisoes wedi gwrth-ddweud amryw o brif bwyntiau’r araith.

Mewn cyfweliad gyda’r darlledwr Andre Marr y bore yma, fe wnaeth hi osgoi ateb cwestiwn a oedd Boris Johnson yn ‘unsackable’.

“Gadewch inni fod yn gwbl glir beth sydd gennym yn y Llywodraeth,” meddai. “Mae gennym lywodraeth sy’n benderfynol o adeiladu gwlad sy’n gweithio i bawb.”

Gwrthododd hefyd â chyfaddef mai camgymeriad oedd galw etholiad cyffredinol ddechrau’r haf.

“Na. A yw hi byth yn gamgymeriad rhoi cyfle i bobl bleidleisio? Dw i ddim yn meddwl,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd