PODLEDIAD: Llafur yn awchu am Arfon

Diweddarwyd  


Jeremy Miles
Yn ôl yr Aelod sy’n cynrychioli Castell-nedd, mae’r Blaid Lafur yn awchu am etholiad cyffredinol arall er mwyn cipio sedd Arfon oddi ar Blaid Cymru, ar ôl dod yn agos iawn at wneud hynny ym mis Mehefin.

A chyn i’r Blaid Lafur gwrdd yn Brighton yr wythnos nesa’, dywed ei fod yn credu ei bod hi’n “debygol” y bydd etholiad arall cyn hir gyda’r “blaid yn gweithredu ar y sail bod hynny’n mynd i ddigwydd”.

Yr iaith yng Nghastell-nedd

Mae hefyd yn trafod sefyllfa’r Gymraeg yn ei etholaeth, sy’n ddarlun cymysglyd, meddai, gyda mwy o Gymraeg yn cael eu siarad mewn ardaloedd gorllewinol ei sedd.

Yn ôl Jeremy Miles, does dim digon o hyrwyddo’r iaith wedi digwydd yn y gorffennol, ac roedd yn rhannu’r un farn â Gweinidog y Gymraeg, Alun Davies, bod angen cael “cydbwysedd” rhwng hybu’r iaith a deddfu arni.

Wrth siarad am ddatganoli, dyw Cymru heb gael setliad “gynhwysfawr” hyd yma, meddai, ac y byddai cael setliad datganoli teg yn “fwy tebygol” pe bai Llafur mewn grym yn San Steffan.

Mae’n gwrthod unrhyw awgrym hefyd fod bod yn Aelod Cynulliad yng Nghymru yn waith “cushy”.

“Dyw e ddim yn teimlo’n cushy o gwbwl… dw i’n credu bod Aelodau Cynulliad yn gwneud gwaith da ar y cyfan,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd