Dros 3,700 o swyddi “wedi’u creu a’u diogelu” yng Nghymru

Diweddarwyd  


Mae mwy na 3,700 o swyddi wedi cael eu creu a’u diogelu yng Nghymru yn sgil buddsoddiadau mewn cwmnïoedd bach a chanolig, meddai Llywodraeth Cymru.

Roedd Cyllid Cymru a chyd-fuddsoddwyr wedi buddsoddi £136 miliwn mewn busnesau yng Nghymru yn ystod flwyddyn ariannol 2016/2017.

Cafodd £56.5 miliwn ei fuddsoddi mewn mentrau bach a chanolig yng Nghymru sydd yn gynnydd o £10 miliwn o gymharu â’r flwyddyn flaenorol.

Mae Cyllid Cymru yn defnyddio arian gan Lywodraeth Cymru a buddsoddwyr eraill er mwyn buddsoddi yng nghwmnïau yng Nghymru.

“Cefnogi twf busnesau”

“Mae’r rhain yn ganlyniadau gwych gan Gyllid Cymru, sydd wedi chwarae rôl allweddol yn cefnogi twf busnesau Cymru ac yn helpu i sicrhau ffyniant drwy greu a diogelu swyddi a denu buddsoddiad gan y sector preifat,” meddai Ysgrifennydd yr Economi, Ken Skates.

“Wrth i Gyllid Cymru baratoi i esblygu i fod yn Fanc Datblygu ar gyfer Cymru, bydd hyn yn ddechrau ar gyfnod newydd. Bydd yn cynnig cyfleoedd mwy byth i gefnogi mwy o fentrau micro a chanolig eu maint ledled Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd