Fawr o newid i lefelau diweithdra Cymru

 


Llun: PA
Doedd yna fawr o newid yn lefelau diweithdra Cymru yn y tri mis hyd at fis Mai yn ôl yr ystadegau diweddaraf.

Yn ôl ffigurau’r Swyddfa Ystadegau Gwladol (ONS) mae 4.6% o bobol allan o waith yng Nghymru, sydd yn gwymp bach o 0.2% o gymharu â’r tri mis blaenorol.

Bellach mae 70,000 o bobol rhwng 16 a 64 yn ddi-waith yng Nghymru.

Dros y Deyrnas Unedig oll mae 4.5% yn ddi-waith tra bod 74.9% o’r boblogaeth yn gweithio – o gymharu â Chymru lle mae 72.6% wedi eu cyflogi.

Dywed yr ONS bod cyflogau wedi cynyddu 1.8% ar gyfartaledd yn ystod y flwyddyn hyd at fis Mai, ond bod chwyddiant wedi codi i 2.9%  ym mis Mai – ei lefel uchaf ers bron i bedair blynedd.

Braidd wedi newid

“Dydy’r darlun cyffredinol ddim wedi newid llawer dros y mis diwethaf,” meddai Uwch-ystadegydd yr ONS, Matt Hughes.

“Ond mae’r ystadegau [Prydeinig] yn nodedig am y gyfradd cyflogaeth isel yn gyffredinol ac i fenywod, ac am y gyfradd segurdod sydd ar ei isaf ers dechrau’r haf 1975.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd