RSS

Golwg360

MwyCau 

Ysgrifennydd Brexit i gyfarfod â Llywodraeth Sbaen

Mehefin 20, 2017 07:56


Llun: PA
Bydd yr Ysgrifennydd Brexit, David Davis yn cyfarfod ag aelodau Llywodraeth Sbaen yn dilyn diwrnod cyntaf trafodaethau Brexit ym Mrwsel ddoe.

Daw’r cyfarfod fel ymgais gan Lywodraeth y Deyrnas Unedig i gryfhau cysylltiadau â gwledydd Ewrop, a bydd dyfodol Gibraltar ymhlith y pynciau trafod.

Yn ystod y trafodaethau ddydd Llun, bu’n rhaid i Lywodraeth Prydain gyfaddawdu a derbyn amserlen Ewropeaidd ar gyfer y trafodaethau.

Mae hyn yn golygu na fydd trafodaethau am gytundeb masnach newydd yn cael eu cynnal law yn llaw â thrafodaethau Brexit.

Yn dilyn y trafodaethau â phrif ymgynghorydd y Comisiwn Ewropeaidd, Michele Barnier, cytunodd  y ddwy ochr y byddai hawliau dinasyddion, ffin Gogledd Iwerddon a chost Brexit ymysg y pynciau fydd yn cael eu trafod yn gyntaf.

Pan fydd y trafodaethau yma wedi “datblygu’n ddigonol,” dywedodd Michele Barnier y byddai modd dechrau ail gyfnod y trafodaethau lle fyddai perthynas masnach newydd yn cael ei hystyried.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.