“Nigel Farage ar fai am fethiant UKIP,” meddai Douglas Carswell

 


Nigel Farage (Llun: PA)
Nigel Farage sydd ar fai am fethiant UKIP yn ystod yr etholiadau lleol, yn ôl cyn-Aelod Seneddol y blaid, Douglas Carswell.

Dywedodd fod y cyn-arweinydd wedi canolbwyntio ar fewnfudwyr yn hytrach na materion ehangach.

Mae Douglas Carswell bellach wedi gadael y blaid, ac fe fydd e’n camu o’r neilltu adeg yr etholiad cyffredinol brys ar Fehefin 8.

Dywedodd fod Nigel Farage wedi troi pleidleiswyr posib i ffwrdd drwy wylltio o hyd am fewnfudwyr.

Collodd y blaid fwy na 100 o seddi yn yr etholiadau lleol yr wythnos diwethaf, gan ennill un sedd yn unig.

Ond mae’r arweinydd presennol, Paul Nuttall yn mynnu bod gan y blaid “ddyfodol gwych”.

Methiannau

Mewn erthygl yn y Mail On Sunday, dywedodd Douglas Carswell fod Nigel Farage wedi tanseilio gwaith y blaid gyda nifer o sylwadau amheus.

“UKIP yn unig oedd yn cynnig y cyfle am newid. Ond wnaethon ni fethu.

“Enillon ni bron i 60% o’r bleidlais yn Clacton drwy siarad am feddygon teulu, nid dim ond mewnfudwyr. Yn Rochester, enillon ni drwy estyn allan y tu hwnt i’n cadarnle.

“Ond yn hytrach na dysgu o hynny, aeth Nigel Farage yn ôl at yr ystrydeb.

“Ar y diwrnod yr enillon ni yn Clacton, roedd arweinydd UKIP ar y pryd yn canolbwyntio ar fewnfudwyr a chanddyn nhw HIV.

“Wedyn fe lwyddodd e i gael ffrae am famau’n bwydo ar y fron yn gyhoeddus, cyn gwneud synnau haerllug am bobol o Rwmania.

“Pam? Ymhell o fod yn meddu ar strategaeth, mae’n ymddangos ein bod ni’n cael ein gyrru gan beth bynnag oedd yn dod o enau Nigel.”

Wfftio

Ond mae Nigel Farage wedi wfftio’r sylwadau, gan ddweud nad oes modd ymddiried yn Douglas Carswell.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd