RSS

Golwg360

MwyCau 

Cymraes yng nghanol ffrae ariannol ymgeisydd arlywyddol Ffrainc

Ionawr 25, 2017 11:53


Francois Filon - mae ei wraig, Penelope, yn dod o'r Fenni (Llun: Peter Macdiarmid/PA Wire)
Mae’r Ffrancwr sy’n awyddus i fod yn arlywydd nesa’ ei wlad, yn gorfod amddiffyn taliadau a wnaed i’w Gymraes o wraig o bwrs y senedd.

Mae Francois Fillon yn dweud i’w wraig, Penelope, sy’n hanu o’r Fenni, ennill yr 500,000 ewro (£427,000) yn deg trwy weithio fel cynorthwy-ydd seneddol i’w gwr dros gyfnod o wyth mlynedd.

Ond mae adroddiadau yn y wasg Ffrengig yn honni bod slipiau talu Penelope Fillon yn dangos bod y gwleidydd wedi bod yn talu ei wraig yn uniongyrchol rhwng 1998 ac 2002, pan oedd o’n cynrychioli rhanbarth Sarthe.

Pan ddaeth Francois Fillon yn weinidog yn llywodraeth Jacque Chirac yn 1998, fe ddaeth ei wraig yn gynorthwy-ydd i Marc Joulaud, y dyn a olynodd ei gwr yn senedd Ffrainc. Ac yn ystod y cyfnod hwn y mae adroddiadau papur newydd yn dweud yr aeth ei chyflog i fyny’n sylweddol, a’i bod yn ennill rhwng 6,000 a 7,900 ewro y mis, cyn treth.

Mae adroddiadau hefyd yn dweud ei bod wedi’i hail-gyflogi gan ei gwr am beth bynnag chwe mis yn 2012, pan ddaeth Francois Fillon yn ddeddfwr ym Mharis.

Dydi hi ddim yn anghyfreithlon i ddeddfwyr yn Ffrainc i gyflogi eu perthnasau, ar yr amod eu bod nhw’n gwneud gwaith go iawn.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.