RSS

Golwg360

MwyCau 

Galw am gosbi troseddwyr rhyfel Syria

Hydref 12, 2016 17:06 Diweddarwyd am 17:10


Dylid cosbi unigolion sy’n bomio pobol gyffredin, ysbytai a cherbydau dyngarol yn Syria yn y Llys Troseddu Rhyngwladol, yn ôl arweinydd Plaid Cymru yn San Steffan, Hywel Williams.

Mae Arlywydd Ffrainc, Francois Holland ac Ysgrifennydd Gwladol yr Unol Daleithiau, John Kerry eisoes wedi galw am ymchwiliad i gyrchoedd bomio yn Syria.

Roedd Plaid Cymru’n gwrthwynebu cyrchoedd awyr gan Lywodraeth Prydain ar Syria ar sail y ffaith nad yw’n cydfynd ag unrhyw bolisi Gorllewinol.

Mewn datganiad, dywedodd: “Mae’r dinasyddion diniwed sydd wedi eu lladd yn Syria yn ddioddefwyr trosedd rhyfel ac mae’n rhaid i’r rheiny sydd yn euog wynebu archwiliad.

“Mae’r achos yn erbyn Rwsia a Syria yn glir ac wedi eu cefnogi gan dystiolaeth gadarn.

“Mae’n rhaid i Lywodraeth y DG ychwanegu ei phwysau i alwadau sydd eisoes wedi eu gwneud gan Ffrainc a’r Unol Daleithiau ar gyfer archwiliad ICC.”

Plaid yn erbyn y bomio

“Mi bleidleisodd Plaid Cymru yn erbyn bomio Syria,” meddai Hywel Williams wedyn. “Clywsom y byddai’r bomio yn cael ei reoli yn ofalus er mwyn osgoi achosi perygl i ddinasyddion ond mae’n glir erbyn hyn nad yw Rwsia na Syria yn ufuddhau i hynny.

“Yn wir, mae’n ymddangos eu bod yn targedu dinasyddion. Byddai cymryd nhw i’r Llys Troseddu Rhyngwladol yn gyson gyda pholisi’r Deyrnas Gyfunol felly.

“Mae’r sefyllfa yn annioddefol. Mae’r angen i weithredu yn fawr a dylai’r DG ddefnyddio ei phwer a’r dylanwad sydd ganddi yn y gymuned rynglwadol i’w dal i gyfrif.

“Mae yna gyfrifoldeb ar y Gorllewin i sicrhau bod dioddefwyr y rhyfel hwn yn derbyn cyfiawnder. Mae’r DG wedi anwybyddu troseddau tebyg yn y gorffennol a fedrwn ni ddim gadael iddo ddigwydd eto.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.