“Dydi 70 ddim yn hen” meddai Arglwydd Nant Conwy

Diweddarwyd  


Ar drothwy ei ben-blwydd yn 70 yr wythnos nesa’, mae Dafydd Elis-Thomas wedi dweud wrth golwg360 nad oes fwriad ganddo i roi gorau i droedio coridorau’r Cynulliad eto.

Mae’n bosib na fydd etholaeth yr Aelod Cynulliad, Dwyfor Meirionnydd, yn bodoli erbyn tymor nesa’r Cynulliad dan ffiniau newydd San Steffan, ac mae e’n derbyn mai “mater o be’ mae pobol eisiau” fydd ei dynged ym Mae Caerdydd. Ond fydd o’i hun ddim yn rhoi’r gorau iddi.

Er mai ffiniau etholaethau San Steffan sy’n destun newid, mae Dafydd Elis-Thomas yn credu y dylai ffiniau’r Cynulliad newid hefyd i gyd-fynd â rhai San Steffan.

Mae e’n gweld y newid fel cyfle i gynyddu nifer yr Aelodau Cynulliad i 87, a chael tri aelod ar gyfer pob etholaeth, gan gael gwared ag aelodau rhanbarthol.

Byddai hyn, meddai, yn arwain at “well democratiaeth” ac yn gwneud i “bob pleidlais gyfrif mwy.”

“70 ddim yn hen”

“Dim ond 69 ydw i… wel 70, dydi hwnna ddim yn hen erbyn hyn,” meddai wrth golwg360, mewn cyfweliad arbennig cyn ei ben-blwydd ddydd Mawrth nesa’, Hydref 18.

Mae’n dweud ei fod yn dal i redeg tair gwaith yr wythnos a’i fod yn cerdded mynyddoedd a thra’i bod yn gallu gwneud hynny bydd yn “parhau i weithio.”

Mae modd darllen mwy gan Dafydd Elis-Thomas yn rhifyn yr wythnos hon o gylchgrawn Golwg, ac mae modd ei glywed yn siarad yn y clip yma:

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd