Troseddau casineb ar fosgiau ‘wedi mwy na dyblu’

 


Mae nifer y troseddau casineb yn targedu mannau addoli Mwslimiaid ledled y Deyrnas Unedig wedi mwy na dyblu mewn cyfnod o flwyddyn.

Yn ôl cais rhyddid gwybodaeth gan Asiantaeth y Wasg (PA), mi gafodd 110 o droseddau casineb ar fosgiau eu cofnodi gan heddluoedd gwledydd Prydain rhwng mis Mawrth a Gorffennaf eleni.

Roedd y ffigwr wedi mwy na dyblu o gymharu â 47 yn ystod yr un cyfnod yn 2016.

Mae’r troseddau eraill yn cynnwys fandaliaeth, bygythiadau ac aflonyddu.

Heddluoedd Cymru…

O ran lluoedd heddlu Cymru roedd Heddlu Gogledd Cymru a Heddlu De Cymru wedi gweld dau drosedd yr un yn fwy yn 2017 o gymharu ag un yn unig yn 2016.

Roedd Heddlu Dyfed Powys wedi cofnodi un trosedd casineb o gymharu â sero y llynedd, a Heddlu Gwent heb gofnodi’r un drosedd.

Heddlu’r Met yn Llundain welodd y nifer fwyaf o droseddau casineb yn y Deyrnas Unedig gyda 17 yn 2017 o gymharu ag wyth y llynedd.

“Mae unrhyw fath o droseddau casineb yn  gwbl annerbyniol ac mae gan y Deyrnas Unedig rai o’r cyfreithiau cryfaf yn y byd i fynd i’r afael â nhw,” meddai llefarydd ar ran y Swyddfa Gartref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd