RSS

Golwg360

MwyCau 

Gyrrwr gerbron llys wedi gwrthdrawiad angheuol yr M1

Medi 11, 2017 11:46


Mae gyrrwr lori sydd wedi ei gyhuddo o achosi marwolaeth wyth person mewn gwrthdrawiad ar draffordd yr M1, wedi ymddangos gerbron llys.

Ymddangosodd David Wagstaff, 53, o Stroke-on-Trent, gerbron Llys Ynadon Milton Keynes fore ddydd Llun (Medi 11).

Mae’n wynebu wyth cyhuddiad o achosi marwolaeth trwy yrru’n beryglus, a phedwar cyhuddiad o achosi anafiadau difrifol trwy yrru’n beryglus, yn gysylltiedig â’r ddamwain ar ŵyl y banc ym mis Awst.

Ni wnaeth David Wagstaff gynnig ple. Bydd ei achos yn cael ei drosglwyddo yn awr i Lys y Goron Aylesbury, lle bydd yn ymddangos ar Fedi 26.

Cafodd David Wagstaff ei ryddhau ar fechnïaeth amodol.

Bws mini

Mae’r gyrrwr Pwylaidd, Ryszard Masierak, 31, eisoes wedi ymddangos gerbron Llys Ynadon High Wycombe yn gysylltiedig â’r gwrthdrawiad.

Y gred yw bod gyrrwr bws mini wedi gwrthdaro â lori wrth geisio osgoi cerbyd Ryszard Masierak. Bu farw gyrrwr y bws mini ynghyd â phum dyn arall, a dwy ddynes.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.