Bygwth atal cyllid Coleg Harlech

 


Leighton Andrews
Mae Gweinidog Addysg a Sgiliau Llywodraeth Cymru wedi  bygwth atal cyllid i Goleg Harlech o fis Ebrill ymlaen os nad ydyn nhw’n cymryd camau i fynd i’r afael â’r problemau ariannol yn y sefydliad.

Dywedodd Leighton Andrews mewn datganiad bod y Coleg wedi rhoi gwybod i’w swyddogion cyn y Nadolig bod eu dyledion o £900,000 yn waeth nag oedden nhw wedi ei ragweld.

Mae Llywodraeth Cymru erbyn hyn yn gweithio gyda’r coleg i adfer y sefyllfa a cheisio rhoi cynllun mewn gwaith.

Dywedodd Leighton Andrews: “Rwyf wedi gofyn i wasanaeth Archwilio Mewnol Llywodraeth Cymru edrych ar systemau Coleg Harlech.

“Yn ystod y cyfnod hwn o ansicrwydd, dysgwyr yw ein prif flaenoriaeth ac rydym wedi sicrhau bod y ddarpariaeth yn cael ei chynnal.  Bydd fy swyddogion yn parhau i gydweithio â’r coleg i sicrhau nad effeithir ar y dysgwyr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones