Lansio cronfa goffa Hywel Teifi

Diweddarwyd am  


Y diweddar Hywel Teifi
Bydd cronfa goffa i un o ysgolheigion mwyaf lliwgar Cymru’n cael ei lansio ar faes yr Eisteddfod brynhawn Gwener.

Prif amcan cronfa goffa Hywel Teifi fydd creu ysgoloriaeth PhD i astudio yn un o’r meysydd ymchwil a fu o ddiddordeb neilltuol iddo:

  • llenyddiaeth Gymraeg y bedwaredd ganrif ar bymtheg,
  • byd y glöwr,
  • hanes yr Eisteddfod Genedlaethol,
  • yr iaith Gymraeg,
  • y pentref a’r gymuned,
  • gwleidyddiaeth Cymru, neu
  • chwaraeon, y cyfryngau a’r ddrama yng Nghymru.

Mae bwriad hefyd i sicrhau cofeb barhaol i Hywel Teifi a fydd yn cael ei lleoli mewn man amlwg yn Academi Hywel Teifi, sefydliad a grëwyd gan Brifysgol Abertawe yn 2010 er cof am gyn-Athro Cymraeg y brifysgol.

Wrth groesawu’r penderfyniad i sefydlu cronfa, dywedodd y darlledwr Huw Edwards, mab Hywel Teifi:

‘‘Rydym fel teulu yn falch iawn o’r datblygiad diweddaraf hwn gan Brifysgol Abertawe sy’n adeiladu ar waith a chyfraniad fy nhad ac sy’n goffa teilwng iddo. Gobeithiwn y bydd cefnogaeth gref i’r gronfa ac y daw cyfleoedd newydd i ysgolheigion y dyfodol yn sgîl ei sefydlu.’’

Bydd y derbyniad i lansio’r gronfa ar stondin Prifysgol Abertawe am 12.30 ddydd Gwener.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones