Sir Gâr yn debygol o gwympo i ddwylo Llafur

Diweddarwyd am  


Neuadd Sir Caerfyrddin
Mae Golwg360 yn cael ar ddeall mai Llafur fydd yn arwain Cyngor Sir Gar yn sgil etholiadau lleol 2012, ar ôl iddyn nhw sicrhau cefnogaeth gan gynghorwyr Annibynnol.

Fel yn 2008, Plaid Cymru oedd y blaid fwyaf yn yr etholiadau yr wythnos ddiwethaf ond mae’n debyg fod clymblaid wedi ei ffurfio yn Sir Gaerfyrddin a fydd yn eu cadw nhw oddi ar y cabinet unwaith eto.

Llafur yw’r ail grŵp mwyaf ar y cyngor erbyn hyn, gyda 23 o gynghorwyr, tra bod gan y grŵp Annibynnol 21. Meryl Gravell o’r grŵp Annibynnol a fu’n arwain y cyngor am yr 13 mlynedd diwethaf ond mae ei gafael ar yr awenau ymhell o fod yn sicr.

Nid yw swydd Kevin Madge, arweinydd Llafur yn Sir Gaerfyrddin, yn ddiogel ychwaith, ac  fe fydd Plaid Lafur Sir Gaerfyrddin yn cyfarfod nos Lun er mwyn ethol arweinydd y blaid ac arweinydd posib Cyngor Sir Caerfyrddin am y bum mlynedd nesaf.

Clymbleidio yn digwydd ym mhob man’

Yn ôl Cynghorydd Llafur Gorslas, Terry Davies, mae’r grŵp Llafur wedi cwrdd wythnos yma gyda’r Annibynwyr a Phlaid Cymru, ac fe fydd cynghorwyr Llafur yn penderfynu ar eu cynlluniau terfynol brynhawn fory.

“Ry’n ni nôl i beth oedden ni bedair blynedd nol, gyda 23 cynghorydd. Ro’n i’n sylweddoli yn ystod yr ymgyrch fod pethau o’n plaid ni,” meddai.

“Mae clymbleidio’n digwydd ym mhob man – edrychwch chi ar San Steffan nawr, ac ychydig nôl roedd Plaid Cymru a’r grŵp Annibynnol mewn clymblaid yn Sir Gâr. Mae’r pethau ma’n digwydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer