Cynllun cwnsela’n ‘llwyddo’ mewn ysgolion

Diweddarwyd am  


Llun o glawr yr adroddiad
Mae cynllun arloesol i roi cyngor a chefnogaeth i ddisgyblion ysgol uwchradd yng Nghymru yn gwneud gwahaniaeth mawr i lawer ohonyn nhw.

Yn awr, mae adroddiad annibynnol yn galw ar i’r Llywodraeth roi sicrwydd ariannol tymor hir i’r cynllun cwnsela ac ystyried ei ymestyn i ysgolion cynradd.

Ond mae’r arolwg, gan uned Ymchwil Gymdeithasol y Llywodraeth, yn awgrymu bod prinder cwnselwyr proffesiynol sy’n gallu siarad Cymraeg.

Ymchwiliad Clywch

Fe gafodd y gwasanaeth cwnsela ei sefydlu o ganlyniad i Ymchwiliad Clywch i gam-drin rhywiol yn Ysgol Gyfun Rhydfelen.

Erbyn hyn, mae gwasanaeth cwnsela ar gael ym mhob ysgol uwchradd ac, yn ôl yr adroddiad, mae’r bobol ifanc, yr ysgolion a’r cwnselwyr yn ei ganmol.

Yn ôl un ffigwr, mae 85% o bobol ifanc sy’n derbyn cwnsela yn teimlo’n fwy awyddus  i fynd i’r ysgol ac maen nhw’n diodde’ llawer llai o bwysau seicolegol na phobol ifanc sydd heb dderbyn cyngor.

Yr argymhellion

Mae’r uned ymchwil yn gwneud nifer o argymhellion:

  • Bod angen sicrhau arian parhaol i gynnal y gwasanaeth – dim ond tan 2014 y mae sicrwydd o hynny.
  • Bod angen ystyried ymestyn y cynllun i ysgolion cynradd, lle mae cynlluniau peilot wedi’u cynnal.
  • Bod angen sicrhau llefydd addas i gynnig y gwasanaeth a sicrhau fod pob disgybl yn gallu ei gyrraedd yn hawdd.

Y prif resymau

Yn ôl yr arolwg, roedd mwy nag 11,000 o sesiynau cwnsela wedi bod mewn dwy flynedd.

Dyma’r prif resymau tros ofyn am gyngor:

Materion teulu – 38.2%

Rheoli tymer – 17.6%

Ymddygiad – 12.5%

Bwlio – 10.3%

Galar – 10.2%

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019