Colli swyddi ynni yn y de: “bradychu addewidion”

Diweddarwyd  
Peilon a gwifrau yn erbyn awyr las ac ambell gwmwl gwyn

Peilon

Llun: Pixabay CC0

Fe fydd swyddi ynni’n cael eu colli yn y de, wrth i gwmni OVO/SSE dorri hyd at 2,600 o swyddi yng Nghymru a’r Alban.

Fe wnaeth cwmni OVO brynu SSE ym mis Medi, gan addo na fyddai unrhyw un yn colli eu swyddi.

Ond mae’n ymddangos bellach fod y cwmni wedi gwneud tro pedol.

Er i OVO honni bod y coronafeirws wedi cyflymu’r broses o uno’r ddau gwmni, mae gweithwyr eisoes ar gennad.

Mae disgwyl i beirianwyr nwy, trydanwyr, darllenwyr mesuryddion, staff canolfan alwadau a gweithwyr swyddfa fod ymhlith y rhai fydd yn colli eu swyddi.

Yn ôl undeb GMB, dylid oedi’r broses o ddileu swyddi, ac maen nhw’n galw ar Lywodraeth Prydain i addasu’r cynllun rhoi gweithwyr ar gennad er mwyn sicrhau bod cwmnïau sy’n derbyn arian gan y llywodraeth drwy’r cynllun cadw swyddi’n cael eu hatal rhag dileu swyddi am o leiaf flwyddyn.

‘Bradychu addewidion’

Mae undeb GMB yn cyhuddo OVO/SSE o “fradychu addewidion i weithwyr”.

“Coronafeirws neu beidio, dyma fradychu addewidion i weithwyr a gwleidyddion mewn modd sylweddol na fyddai gwerthu OVO yn arwain at golli swyddi,” meddai Justin Bowden, prif drefnydd yr undeb.

“Mae’r argyfwng a’r cap SVT wedi effeithio’r farchnad fanwerthu ynni yn gyfan, ond allwch chi ddim jyst torri eich ffordd allan o argyfwng wrth chwilio am elw.

“Tra ein bod ni wedi gallu achub 700 o swyddi rhag cael eu symud dramor, mae hyn yn 2,600 o swyddi da yn y Deyrnas Unedig gan gwmni sy’n prysur amsugno arian trethdalwyr drwy’r cynllun cadw swyddi.

“Dywed GMB y dylid atal cwmnïau sy’n cymryd arian y llywodraeth trwy’r Cynllun Cadw Swyddi rhag cyhoeddi colli swyddi am o leiaf flwyddyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn