Cofio perchennog lladd-dy ‘a roddodd Llanybydder ar y map’

Diweddarwyd  

Oriel Jones gyda’i fab Barrie a’i wyr Shaun – llun o dair cenhedlaeth y teulu a gafodd ei dynnu yn 2017

Llun: Shaun Jones

Bu farw Oriel Jones, cyn-berchennog un o ladd-dai mwyaf adnabyddus Cymru, yn ei gartref yn Llanfihangel-ar-Arth yn 89 oed ddydd Iau.

Mae’n cael ei ddisgrifio ar wefan Clonc360 fel ‘y gŵr a roddodd Llanybydder ar y map’, ar ôl sefydlu’r lladd-dy llewyrchus a fu’n cyflenwi archfarchnadoedd ledled Prydain a thramor.

“Roedd yn ddyn teulu hoffus, yn ddyn busnes craff, yn ŵr bonheddig ac yn gefnogwr brwd i bopeth lleol,” meddai Dylan Lewis, gohebydd Clonc360.

Roedd Oriel Jones wedi cychwyn ei rownd gig ei hun yn 21 oed, ac yn ddiweddarach dechreuodd ladd anifeiliaid ar ei dyddyn gan gyflenwi siopau cigydd lleol.

Yn 1978, cafodd lladd-dy pwrpasol newydd ei godi yn Llanybydder, ac erbyn diwedd yr 1980au roedd yn prosesu mwy na 5,000 o ŵyn y dydd. Cafodd y cwmni ei brynu gan Dunbia yn 2001.

Daliodd Oriel Jones i chwarae rhan flaenllaw mewn cymdeithasau amaethyddol yng Nghymru, ac mae ei enw’n parhau ar siop gigydd ei ŵyr Shaun yn Nhreganna, Caerdydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn