Cadw dynes yn y ddalfa ar gyhuddiad o lofruddio warden eglwys

Diweddarwyd am  
Llys y Goron Caerdydd

Llys y Goron Caerdydd

Mae dynes 29 oed wedi cael ei chadw yn y ddalfa ar gyhyuddiad o lofruddio warden eglwys a cheisio llofruddio tri o bobl eraill.

Fe ymddangosodd Zara Anne Radcliffe gerbron Llys Ynadon Caerdydd heddiw (Dydd Iau, Mai 7) ar gyhuddiad o drywanu John Rees, 88 oed, yn farw yn siop Co-op ym Mhenygraig yng Nghwm Rhondda.

Mae Zara Anne Radcliffe o Stryd Wyndham, Porth, hefyd wedi’i chyhuddo o geisio llofruddio tri o bobl eraill gafodd eu hanafu yn ystod y digwyddiad ddydd Mawrth (Mai 5).

Mae un dyn mewn cyflwr sefydlog yn yr ysbyty a chafodd dau berson arall anafiadau sydd ddim yn bygwth eu bywydau.

Llys y Goron

Yn ystod y gwrandawiad byr, fe gadarnhaodd Zara Anne Radcliffe ei henw, dyddiad geni a chyfeiriad. Nid oedd cais am fechnïaeth a chafodd ei chadw yn y ddalfa.

Fe fydd yr achos yn cael ei drosglwyddo i Lys y Goron Caerdydd ac mae disgwyl gwrandawiad eto ddydd Llun, Mai 11.

Roedd John Rees yn byw yn Nhrealaw gyda’i wraig Eunice ac yn warden yn yr eglwys yno.

Mewn teyrnged iddo dywedodd ei deulu ei fod yn “uchel iawn ei barch yn y gymuned” a bydd “colled fawr ar ei ôl.”

Mae Heddlu De Cymru wedi cyfeirio ei hun i Swyddfa Annibynnol Ymddygiad yr Heddlu (IOPC) ond nid yw wedi egluro pam.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn