Cyhuddo cwmni gwyliau o roi “elw o flaen bywydau”

Diweddarwyd am  

Machlud ar fferm

Llun: CC0

Mae cwmni gwyliau Cottages.com sy’n rhentu bythynnod i bobl yn y Deyrnas Unedig, Iwerddon, Ffrainc a’r Eidal wedi cael ei lambastio gan feddyg teulu o ogledd Cymru am roi “elw o flaen bywydau pobl.”

Mewn e-bost gan Is-lywydd y cwmni, Shelley D’Arcy at ei chwsmeriaid, mae’r cwmni yn annog perchnogion bythynnod i lobio Aelodau Seneddol lleol ynglŷn â chaniatáu pobl i ddod ar wyliau i’w hardaloedd lleol yn syth pan fydd y lockdown yn dod i ben.

“Does dim amser gwell na nawr i holi’ch Aelod Seneddol lleol i ddarparu syniad o sut y gallan nhw gyflawni hyn yn eich ardal a helpu adferiad yr economi leol,” meddai’r e-bost.

Mae meddyg teulu o ogledd Cymru wedi galw’r e-bost yn “warthus” ar ei gyfrif Twitter.

“Mae’r e-bost hwn gan @Cottages.com at eu cwsmeriaid yn hollol warthus,” meddai Dr Eilir Hughes.

“Cefais wybod amdano gan un ohonynt, sydd ofidus iawn am eich cymhellion corfforaethol amlwg i roi elw o flaen bywydau pobl.”

Mae Golwg360 wedi gofyn i Cottages.com am sylwad.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn