Taliad covid-19 staff iechyd: galw am hawliau cyfartal

Diweddarwyd  

Rhun ap Iorwerth AC Ynys Mon

Llun: Cynulliad Cenedlaethol Cymru CC 2.0

Dylai pob gweithiwr iechyd fod yn gymwys am daliad ‘marwolaeth mewn swydd’, yn ôl Plaid Cymru.

Bydd teuluoedd staff meddygol sy’n marw wrth weithio yn gymwys i dderbyn taliad £60,000, dan y cynllun yma gan Lywodraeth Cymru.

Mae’r taliad yn benodol ar gyfer y rheiny sy’n helpu cleifion covid-19, ac mi fydd y cynllun mewn grym am gyfanrwydd cyfnod yr argyfwng.

Pryder Plaid Cymru yw bod yna bobol sy’n cyfrannu at yr ymdrech na fyddai’n gymwys, gan gynnwys myfyrwyr meddygaeth a chyn-ddoctoriaid (y rheini sydd wedi dychwelyd i’w gwaith).

Ac mae ei llefarydd tros faterion iechyd, Rhun ap Iorwerth, wedi galw am driniaeth “gydradd” i bob gweithiwr iechyd.

“Dyled” i staff meddygol

“Mae teuluoedd y doctoriaid yma – sy’n peryglu’u bywydau – yn wynebu’r risg o fod heb gymorth ariannol digonol, os bydd eu hanwylyd yn marw yn ystod yr argyfwng,” meddai’r Aelod Cynulliad.

“Bydd yn wastad arnom ddyled i’n gweithwyr iechyd sydd wedi gweithio mor ddewr yn ystod y cyfnod yma o argyfwng i gadw ein gwlad mor ddiogel ac iachus ag sy’n bosib.

“Y lleia’ gall Llywodraeth Cymru ei wneud yw sicrhau bod pob staff iechyd, a’u teuluoedd, yn cael eu diogelu yn ystod y cyfnodau heriol yma.”

Ymateb y Llywodraeth

Dywedodd Llefarydd ar ran Llywodraeth Cymru:

“Fel y dywedwyd yn flaenorol, mae’r cynllun a gyhoeddwyd yr wythnos hon yn ychwanegol at unrhyw gynllun budd-daliadau sy’n bodoli eisoes, ac nid yw’n dibynnu ar gyfraniadau.

“Rydym wedi ei wneud yn glir ers y dechrau nad yw’n gysylltiedig â chynllun pensiwn y GIG, ac mae’n berthnasol i weithwyr y GIG a’r sector gofal cymdeithasol fel ei gilydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn