Laura Ashley yn cau 70 o’i siopau’n barhaol

 
Un o siopau Laura Ashley yng Nghaerwysg

Un o siopau Laura Ashley yng Nghaerwysg

Llun: Neil Owen (CC BY-SA 2.0)

Mae’r cwmni ffasiwn Laura Ashley wedi cyhoeddi y bydd 70 o’i siopau yn cau’n barhaol, gyda 721 o weithwyr yn colli eu swyddi.

Daw hyn ar ôl i drafodaethau i achub y cwmni gael eu gohirio wedi dyfodiad y coronafeirws, cyn i’r cwmni fynd i ddwylo’r gweinyddwyr.

Mae llu o gwmnïau, gan gynnwys John Lewis ac Ikea, wedi cyhoeddi eu bod yn cau eu siopau yn sgil y pandemig.

Ond Laura Ashley yw’r cyntaf i gyhoeddi eu bod yn cau’n barhaol.

Dywed y cwmni y bydd yn parhau i fasnachu o’r 77 siop sy’n weddill yn y Deyrnas Unedig, a fydd yn aros yn agored tra bod y cwmni’n dal i weithredu ar-lein hefyd.

Dywed prif swyddog gweithredu’r cwmni, Katherine Poulter ei bod yn “obeithiol” o ddod o hyd i brynwr ar gyfer y brand.

“Ers cael fy mhenodi fis diwethaf, rwyf wedi rhannu fy ngweledigaeth ar gyfer dyfodol y brand hwn, ynghyd â chynllun cadarn ar gyfer dyfodol y cwmni a dychwelyd Laura Ashley o’r brand Prydeinig sydd yn cael ei adnabod a’i edmygu ledled y byd,” meddai.

“Does gen i ddim amheuaeth y bydd Laura Ashley yn dal gafael ar ei safle haeddiannol ar y tirlun adwerthu rhyngwladol.”

Gwreiddiau yng Nghymru

Cafodd sylfaenydd y cwmni, Laura Mountney (Laura Ashley yn hwyrach) ei geni ym Merthyr Tudful yn 1925.

Agorodd siop gyntaf Laura Ashley ar 35 Stryd Maengwyn ym Machynlleth yn 1961.

Bu i’r teulu fyw uwch ben y siop ym Machynlleth cyn symud i Carno, Sir Drefaldwyn ac agor ail siop yno.

Datblygodd y cwmni i fod yn un o frandiau ffasiwn amlycaf gwledydd Prydain.

Mae’r cwmni yn rheoli 150 o siopau yng ngwledydd Prydain ac yn cyflogi tua 2,700 o weithwyr ar hyn o bryd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones