Pobol yn manteisio ar archfarchnadoedd sy’n agor yn gynnar

Diweddarwyd am  

Mae pobol yn troi at grŵp Facebook ar gyfer pobol yn y gogledd i ganmol archfarchnadoedd am agor yn gynnar i weithwyr iechyd, ond maen nhw’n gweld bod rhai yn manteisio ar y sefyllfa hefyd.

Daeth cadarnhad yr wythnos ddiwethaf y byddai nifer o archfarchnadoedd yn agor eu drysau am awr bob bore i weithwyr iechyd a phobol fregus yn unig, er mwyn iddyn nhw gael siopa cyn bod torfeydd o bobol yn cyrraedd i bentyrru nwyddau.

Mae rhai archfarchnadoedd hefyd wedi gorfod cyfyngau ar y nwyddau mae cwsmeriaid yn gallu eu prynu wrth iddyn nhw geisio atal prinder, gan rybuddio bod digon o nwyddau ar gael i bawb ar hyn o bryd.

‘Tesco yn llawn dop’

Mae un neges gan Rae Jesse yn dweud yn dweud iddi gyrraedd Tesco “toc ar ôl 9.30” ond nad oedd modd mynd i mewn.

Mae’n dweud iddi gael ei stopio gan swyddog diogelwch, a bod “staff y Gwasanaeth Iechyd yn gadael heb allu mynd i mewn”.

Mae’n dweud bod y sefyllfa’n “gwbl warthus”, a bod y cyhoedd yn ciwio yn eu heidiau y tu allan i’r drysau “ac ymhell i ganol y maes parcio”.

Mae hi’n dweud bod rhoi mynediad i weithwyr iechyd yn “syniad da, wedi’i weithredu’n wael”.

Yn Abergele, mae Tracy Lyall yn dweud bod y tiliau ynghau tan 10 o’r gloch ac mai “y cyhoedd” oedd y broblem wrth iddyn nhw giwio.

Mae Belinda Bridge yn dweud ei bod hi’r “un fath yn Abergele”, lle’r oedd “y maes parcio’n llawn erbyn 9.30” er nad oedd y siop yn agor tan 10 o’r gloch i’r cyhoedd.

Mae un arall, Margery Griffin, yn disgwyl “llawer o wastraffu bwyd dros yr wythnosau nesaf neu wenwyn bwyd yn cynyddu”, a hynny “gan nad oes gan bobol ddigon o storfa ar gyfer prynu mewn panig”.

‘Ymbellháu cymdeithasol’

Yn ôl rhai, mae mynd i siopa mewn panig yn peryglu manteision ymbellháu cymdeithasol.

Yn ôl Stephen M Wilkes, “ydy’r tripiau siopa yma wir yn ymbellháu cymdeithasol!!!!!!!!! Twp.”

Yn ôl Trefor a Carol Hughes-Morris, mae cau caffis a bwytai, yn ogystal ag ysgolion lle gall plant gael prydau bwyd am ddim, wedi cyfrannu at y sefyllfa yn yr archfarchnadoedd.

“Mae archfarchnadoedd a’r gadwyn gyflenwi hefyd yn cyflenwi jyst mewn pryd,” meddai eu neges nhw ar y ffrwd.

“Efallai ymhen rhai wythnosau y bydd hi wedi tawelu, gydag archfarchnadoedd â mwy o ddata am arferion siopa ac yn gallu addasu i’r gadwyn gyflenwi yn ôl yr angen?”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones