“Meddyliwch eto” cyn ynysu eich hunain mewn ail gartrefi

Diweddarwyd am  

Golygfa gyffredinol o barc carafanau

Llun: CC0

“Meddyliwch eto” yw neges Liz Saville Roberts wrth bobol sy’n teithio i’w hail gartrefi i ynysu eu hunain yn sgil y coronafeirws.

Daw apêl Aelod Seneddol Plaid Cymru dros Ddwyfor Meirionnydd yn dilyn adroddiadau bod niferoedd cynyddol o bobol yn teithio i’r gogledd i aros mewn tai neu garafanau yn dilyn cyngor Llywodraeth Prydain y dylai pawb ynysu eu hunain.

Mae nifer o gwmnïau a pherchnogion carafanau eisoes wedi cau eu safleoedd wrth ymateb i’r cyngor diweddaraf.

Ymateb Liz Saville Roberts

Mewn neges fideo ar y cyfryngau cymdeithasol, mae Liz Saville Roberts yn llongyfarch perchnogion safleoedd carafanau am wneud “penderfyniad anodd ac anhunanol”.

“I’r bobol hynny sy’n meddwl dod i ardaloedd gwledig, naill ai i aros mewn carafan neu i ynysu eu hunain mewn ail gartrefi, ga i plis ymbil arnoch chi i feddwl eto,” meddai.

“A yw hon yn daith hanfodol?”

Dywed fod y Gwasanaeth Iechyd yn y gogledd dan gryn bwysau.

“Gadewch i ni wneud yr hyn sydd angen ei wneud,” meddai wedyn.

Apêl gan Stephen Crabb yn Sir Benfro

Un arall sydd wedi cyhoeddi apêl o’r fath yw Stephen Crabb, yr Aelod Seneddol Ceidwadol dros etholaeth Preseli Sir Benfro.

Mae’n dweud bod “angen i bobol osgoi teithio os yw’n bosib”.

“Dw i wedi treulio 15 mlynedd yn annog pobol i ddod i Sir Benfro hyfryd ar wyliau,” meddai.

“A byddaf yn parhau i wneud hynny pan ddown ni drwy’r peth yma.

“Ond ar hyn o bryd, mae angen i bobol osgoi teithio os yw’n bosib.

“[Mae’r] Bwrdd Iechyd yn bryderus iawn am bwysau ychwanegol ar wasanaethau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones