Effaith coronafeirws yn taro cyllid prifysgolion

 
Pentwr o bapurau ugain punt

Arian parod

Llun parth cyhoeddus CC0

Mae’n debygol y bydd prifysgolion Cymru a gweddill Prydain yn colli llawer o’u hincwm yn sgil derbyniadau llai o ffioedd dysgu myfyrwyr tramor o ganlyniad i’r coronafeirws.

Mae tua 120,000 o fyfyrwyr o Tsieina yn astudio ym Mhrydain ar hyn o bryd, a tha 6,500 ohonyn nhw ym mhrifysgolion Cymru. Maen nhw’n cyfrif am fwy na chwarter yr holl fyfyrwyr tramor yma.

Oherwydd y coronafeirws mae arholiadau, gan gynnwys profion iaith Saesneg sy’n angenrheidiol ar gyfer fisas a mynediad i brifysgolion, wedi cael eu canslo yn Tsieina, sy’n golygu y bydd myfyrwyr newydd yn gorfod gohirio eu ceisiadau.

Dywed prifysgolion hefyd fod myfyrwyr o Tsieina yn anhapus gydag ymateb llywodraeth Prydain i’r feirws, gyda rhai yn gofyn am gael eu ffioedd yn ôl a dychwelyd adref.

Gyda phrifysgolion Prydain yn derbyn cyfanswm o tua £2 biliwn o ffioedd dysgu gan fyfyrwyr o Tsieina, gallai cwymp bach mewn cofrestriadau gostio’n ddrud iawn iddyn nhw.

Roedd disgwyl i 90,000 o fyfyrwyr newydd o Tsieina, Hong Kong, De Corea a gwledydd eraill sydd wedi cael eu taro gan y feirws gychwyn mewn prifysgolion ym Mhrydain ym mis Medi. Y disgwyl bellach yw y bydd y nifer hwnnw’n lleihau’n sylweddol.

“Mae coronafeirws yn debygol o gael effaith sylweddol ar gylch mynediad myfyrwyr rhyngwladol gan gynnwys rhai o Tsieina,” meddai Vivienne Stern, cyfarwyddwr Universities UK International, y corff sy’n cynrychioli prifysgolion Prydain.

“Mae’r mesurau mae prifysgolion yn eu hystyried yn cynnwys mwy o gyrsiau ar-lein a gohirio dyddiadau cychwyn. Yn y cyfamser, rydym wrthi’n cyd-drafod â’r llywodraeth ar amrywiaeth o fatherion sy’n effeithio ar recriwtio myfyrwyr a’r cylch ceisiadau am fisa.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones