“Dim gwrthwynebiad” i gyfuno ysgolion Saesneg y Drenewydd

 
Llun o bencadlys y cyngor

Pencadlys Cyngor Sir Powys

Llun: Oliver Dixon CCA3.0)

Does neb wedi gwrthwynebu cynllun i gyfuno dwy ysgol Saesneg yn y Drenewydd.

Bydd Cabinet Cyngor Sir Powys yn cyfarfod yr wythnos nesaf i drafod cynlluniau i greu ysgol gynradd Saesneg newydd drwy gyfuno Ysgol Fabanod Ladywell Green ac Ysgol Gynradd Hafren.

Bydd y cynnig yn cael ei ystyried ddydd Mawrth nesaf (Mawrth 3).

Gan na chafwyd unrhyw wrthwynebiadau, bydd gofyn iddyn nhw gymeradwyo’r cynnig presennol, allai arwain at agor yr ysgol newydd yn 2021 ar safleoedd presennol yr ysgolion.

Byddai’r ysgol newydd ar gyfer disgyblion rhwng pedair ac 11 oed.

Ar hyn o bryd, mae yna 94 o ddisgyblion yn adran y babanod a 145 yn yr adran iau.

‘Cymeradwyo’

“Roedd canlyniad yr ymarfer ymgynghori y gwnaethom ei gynnal y llynedd wedi awgrymu mai’r hoff ddewis yw cyfuno Ysgol Fabanod Ladywell Green ac Ysgol Iau G.G. Hafren ac i sefydlu ysgol gynradd newydd ar safleoedd cyfredol y ddwy ysgol,”  meddai’r Cynghorydd Phyl Davies.

“Ni chawsom unrhyw wrthwynebiadau i’n cynnig felly fy argymhelliad i’r Cabinet yw eu bod yn cymeradwyo cyfuno’r ddwy ysgol i greu ysgol gynradd newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn